Sangharsh

Lehron ki uchaiyon ke uspaar dekh pate

Unki ufaan ko mehsoos jo tum kar pate

To shayad tum sangharsh ko mehsoos kar pate

Un toot ti bediyon ki siskiyon ko sun pate

Samay ke jatilta ko jo tum samajh paate

To shayad tum sangharsh ko mehsoos kar pate


Dhalte sooraj ki garmi jo tum seh paate

Raat ke sannate ko jo tum sun pate

To shayad tum sangharsh ko mehsoos kar pate

Dharti ki kampan jo tum mehsoos kar pate

Prakriti ki vividhta ko jo tum dekh paate

To shayad tum sangharsh ko mehsoos kar pate